随笔： 《无奈》

系facebook度睇都一位朋友对生活无奈嘅感慨，突然间諗到之前读过嘅一篇文章。。。

其实人系一出世就已经好无奈。你无得选择你嘅父母，无奈。无得选择你嘅姓名，无奈。开始返学喇，我諗有D人曾经好俾心机读书，但系成绩就好差，无奈。或者发生咗一件事，根本就唔系你嘅错，但身边所有人都觉得喺你做错，无奈。

大嗰开始懂事喇，开始中意人，拍拖。慢慢你会发觉，你中意嘅唔中意你，你对佢無feel嘅偏偏就爱到你要生要死，无奈。好喇，终于搵到嗰喺互相中意对方，但系又可能会因为第三者，家庭压力，工作，距离而分开，无奈。

毕业喇，搵到第一份工，做咗一个月之后先发觉，工作性质同你系学堂读嘅好似无乜关系，先至开始諗系咪自己以前揀嘅course错咗，定系自己根本就唔适合呢份工。投入社会之后先发觉原来除咗爱情，工作上都有好多嘅无奈。

到你事业有成，总算儲到一笔退休金，諗住要去完成自己嘅梦想、计划，点知仲要供你嘅仔女上大学，啊爸啊妈都已经老喇，需要人照顾。一切又需要搁置。无奈...

人生难免会有好多事情喺无得选择，与其不停咁觉得无奈，叹息，点解唔去做一D你有得选择嘅嘢？开心又过一日，唔开心又过一日，你会点揀？

试諗下今日就系你生命嘅最后一日，你会点过呢一日？选择无奈咁接受，愁云惨雾咁过呢一日，定系开开心心咁去过人生最后嘅一日？

就算生命喺几咁无奈，只要你识得“活好当下”，就算今日系你嘅最后一日，你都会觉得...此生无憾。